Naxçıvan Dövlət Texniki Kollecində “100 illik təhsil yolu: Ənənəvidən innovasiyaya” mövzusunda Ümumi təhsil texniki fənn birləşməsinin müəllimlərinin təşəbbüsü ilə dəyirmi masa təşkil olunub.
24 oktyabr 2025-ci il tarixində Naxçıvan Dövlət Universitetinin nəzdində Naxçıvan Dövlət Texniki Kollecində “100 illik təhsil yolu: Ənənəvidən innovasiyaya” mövzusunda Ümumi təhsil texniki fənn birləşməsinin müəllimlərinin təşəbbüsü ilə dəyirmi masa təşkil olunub.
Tədbiri kollecin direktoru Asəf Ruşanov açaraq, təhsilin inkişaf yolundan, müasir dövrdə innovativ yanaşmaların önəmindən və kollecimizin bu istiqamətdə gördüyü işlərdən bəhs edib.
Dəyirmi masada əməkdar müəllimlər, kollecimizin məzunları iştirak ediblər. İştirakçılar kollecin 100 illik inkişaf tarixi, təhsil sahəsində əldə olunan nailiyyətlər və gələcək perspektivlər barədə fikir mübadiləsi aparıblar.
Sonda iştirakçılar belə tədbirlərin gənc nəslin maarifləndirilməsində və təhsil ənənələrinin qorunmasında mühüm əhəmiyyət daşıdığını qeyd ediblər.